Filloi regjistrimi i elektronik i nxënësve për regjistrim në arsimin e mesëm për vitin shkollor 2024/2025 dhe do te zgjasë deri më 25 qershor deri në ora 15:00.
Regjistrimi i dytë do të jetë në datat 1 dhe 2 korrik. Nga Ministria e Arsimit dhe Shkencës thonë se për të optimizuar procesin e regjistrimit në shkollat e mesme edhe këtë vit mundësoi aplikimin elektronik. Regjistrimi bëhet përmes lidhjes në portalin e shërbimeve elektronike të Ministrisë së Arsimit dhe Shkencës, e-uslugi.mon.gov.mk me një njoftim të veçantë për nxënësit e shkollave të mesme përmes llogarive të tyre përdoruese në schools.mk. Çdo shkollë duhet të publikojë listën përfundimtare të renditjes me rezultatet e regjistrimit dhe vendet e lira pas regjistrimit të parë më datë 26 qershor, jo më vonë se ora 9:00, në një vend publik të shkollës ose në faqen e shkollës. Në shkollat ku do të ketë testim kualifikues, ai do të organizohet më 28 qershor, ndërsa listat përfundimtare të renditjes me rezultatet do të shpallen më 28 qershor në një ambient publik të shkollës. Për vitin shkollor 2024/2025, sipas konkursit të Ministrisë së Arsimit dhe Shkencës, vende te lira në shkollat e mesme publike janë 30.053 në 913 paralele në 109 shkolla të mesme.