Nëntë ilaçet e reja të listës pozitive pacientët do të mund t’i marrin falas në barnatore nga 16 shtatori, konfirmoi sot ministri i Shëndetësisë, Arben Taravari.
“Pikërisht, sipas listës pozitive tashmë nga 16 shtatori, pacientët mund t’i marrin ato nëntë barnat e reja në barnatore falas. Pra, ai hyn në fuqi nga e hëna. Së bashku me OBSH-në po përgatisim një platformë që do të sigurojë transparencën e të gjithë procesit në zgjerimin e ardhshëm të barnave. Do të kemi rekomandime edhe nga OBSH, por edhe nga ekspertë brenda vendit. Ne dëshirojmë që gjithë ai zgjerim i listës pozitive të jetë sa më transparent dhe sa më gjithëpërfshirës, për çka qytetarët kanë nevojë më së shumti, që do t’i zvogëlonte sa më pak shpenzimet e pacientëve dhe qytetarëve tanë”, thotë Taravari.
Ai theksoi se nuk mund të premtojë se në këtë listë pozitive do të shtohen edhe 10 barna të tjera në periudhën e ardhshme, por siç thotë ai garanton se çdo tre deri në katër muaj do të shtohen nga një, dy ose tre barna.
“Shikoni, ky është revolucioni i problemeve të cilat 10 vjet nuk janë zgjidhur. Lista e fundit pozitive është në vitin 2009, në vitin 2014 vetëm një bar është rimbushur dhe tani kemi nëntë barna për 50 ditë. Shpresoj që pas Vitit të Ri të kemi një zgjerim të listës. Them se jam shumë i lumtur që partnerët tanë janë përfaqësuesit e OBSH-së, ne do të përpiqemi t’i përmbahemi platformës dhe rekomandimeve që ata na japin”, tha Taravari.
Ai u bën thirrje të gjitha kompanive farmaceutike të interesuara, prodhuesve që të konkurrojnë dhe të jenë aktivë, t’i sugjerojnë që Ministria dhe Qeveria do të jenë sa më transparent dhe rezultati do të jetë sa më i mirë për të gjithë qytetarët në vend.
I pyetur nëse ndonjë kompani ka aplikuar për tenderin për stacionin e kompresorit në Qendrën Klinike – Shkup, i cili skadon nesër, Taravari thotë se nesër me siguri do të marrë informacion për këtë procedurë.
“Nesër është 12 shtatori dhe do të marrim informacione të besueshme dhe do të kërkojmë që si Ministri jemi të obliguar të dalim para opinionit dhe të themi sa kompani kanë aplikuar, nëse asnjë kompani nuk ka aplikuar sërish. Nuk do të doja që asnjë kompani të mos konkurronte. Do të doja të kishim të paktën një, dhe shpresoj dy ose tre, që të fillojmë rregullimin e stacionit të kompresorit”, thotë Taravari.
Ai theksoi se kjo procedurë e tenderit është e rëndësishme për vazhdimin e investimeve, veçanërisht në sallat e kirurgjisë në Shkup dhe në Spitalet e tjera Klinike.
“Pra është shumë e rëndësishme për ne që ta rregullojmë këtë dhe të fillojmë me renovimin e sallave kirurgjikale edhe në spitalin “8 Shtatori”, si dhe në Qendrën Klinike dhe në Tetovë, kryeministri tha edhe spitalet, shpresoj që së shpejti të promovohet Spitali i Strumicës, ndërsa në ndërkohë të fillojmë sa më shpejt në spitalet në Shtip dhe Tetovë”, tha Taravari.
Ministri i Shëndetësisë Taravari është i vendosur se nuk ka drejtorë ekonomikë të klinikave, por siç thotë ai, nëse një drejtor mendon se njëri nga ish drejtorët ekonomik ka qenë ekspert dhe mendon se duhet ta marrë si këshilltar, është puna e tij.