Невладината организација за заштита на човековите права „Амнести интернешнл“ (Amnesty International) соопшти дека Израел незаконски ги уништил земјоделското земјиште и цивилните објекти долж источната граница на Појасот Газа. Таквото уништување треба да се истражува во рамките на обвиненијата за воени злосторства.
АИ наведува дека израелската армија незаконски уништила земјоделско земјиште и цивилни објекти користејќи булдожери и експлозив, при што дека се уништени цели населби, вклучувајќи куќи, училишта и џамии.
Наспроти резолуцијата на ОН за прекин на огнот, Израел од 7 октомври минатата година врши континуирани напади врз Појасот Газа, во кои загинаа речиси 40.900 Палестинци, главно жени и деца, а речиси 94.400 се повредени. Постојаната блокада на енклавата доведе до сериозен недостиг на храна, чиста вода и лекови.
Израел се соочува со обвиненија за геноцид во Појасот Газа пред Меѓународниот суд на правдата во Хаг.