Шпанскиот фудбалски гигант Барселона објави денеска дека го продолжи договорот со Алехандро Балде до јуни 2028 година.
Балде сезонава е стандарден во составот на Барселона за која досега одигра вкупно 57 натпревари на кои постигна еден гол и запиша шест асистенции.
Деветнаесетгодишниот лев бек е дел од Барселона од 2011 година кога се приклучи на младинската школа на каталонскиот клуб.
За шпанската репрезентација досега собра шест настапи.
